Inauguracion de l'Ambassada d'Occitània en Lituania
25.07.2016
La RFÒC inaugura l'ambassada d'Occitània en Lituania
23.07.2016
Ancuèi dissabta lo 23 de julhet a 17 oras a Klaipeda en Lituania, Cristòu DAURORE, president de la República de Nissa, inaugurarà au nom de la Republica Federala Occitana l'Ambassada d'Occitània en Lituania.
Li installarà Diana VAINER, Ambassadritz d'Occitània en Lituania, qu'aurà la carga de crear de ligaments entre Occitània e Lituania.
La Republica Federala Occitana a la Fèsta Nacionala Occitana!
17.06.2016
La República de Nissa rendrà omatge a Garibaldi lo 4 de julhet que ven
19.06.2016
La República de Nissa e la República Federala Occitana rendràn un omatge oficial en un enfant de Nissa : Pepin Garibaldi (1807-1882), diluns lo 4 de julhet dau 2016 a 19 oras, plaça Garibaldi de Nissa, davant la sieu estàtua.
Ensin, lo noastre eròi dei 2 monds (Amèrica dau sud e Euròpa) es naissut sus dau poart de Nissa lo 4 de julhet dau 1807.
Li bandieras presenti seràn li seguenti : República de Nissa, República Federala Occitana, Estats de Savòia e Union Europea. Pepin Garibaldi volia far de Nissa la capitala d'Euròpa !
L'omatge serà realizat da Cristòu DAURORE, president de la República de Nissa e Ciril JOANIN, president de la República Federala Occitana.
Serà finda l'escadença d'installar en li sieu foncions de Ministressa de la República de Nissa cargada de l'Environament, de l'Agricultura, de la Pesca, dau Lotjament e dei Traspoarts la dòna Diana VAINER.
La Republica Federala Occitana celebrarà la Fèsta Nacionala Occitana
16.06.2016
La Republica Federala Occitana celebrarà lo divendres 17 de junh a 14 oras sus la plaça Garibaldi a Nissa, la Fèsta Nacionala Occitana, en l'onor de la nacion occitana que s'espandís de Nissa a Bordèu e de Lemosin ai Pirenèus.
Es lo Val d'Aran (enclaus occitan de 10 000 estatjants que se tròva en Catalonha) qu'a instaurat aquesta fèsta nacionala, per fin d'onorar l'establiment en lo 1990 de son govèrn mièg-autonòm, que la lenga occitana es co-oficiala, estatut unic en Occitània tota.
Aquesta fèsta comencarà per lo discors oficiau dau president de la RFÒC Ciril JOANIN, seguit d'un concèrt e balèti tradicionau occitan nissart animat per un mesclum de diferents musicians eissuts de divèrs grops locaus coneissuts !
Venètz nombrós per se recampar e participar a-n-aquesta granda fèsta !